賀歲片《金多寶》日前在銅鑼灣街頭舉行快閃派利是宣傳活動。演員呂爵安(Edan)、鍾雪瑩及李尚正齊齊出席，期間人頭湧湧，大家爭相拎利是，Edan更率先拆利是，發現是一張六合彩電腦飛，並預祝大家發新年財。問到對電影的票房期望，Edan表示「最希望可以對得住個戲名，金多寶梗係億億聲啦！」至於正爺就話票房過億會著三角褲出嚟派福利，Edan害羞地回應票房要到三億才會考慮著泳褲。至於另一女主角鍾雪瑩就大爆Edan在戲中早已著好少布出演。Edan笑著表示最多赤裸上半身，大家笑住睇就夠。