賀歲電影《金多寶》，古天樂、許冠文、阿Sa驚喜登場

由美亞娛樂出品，翁子光首次執導的新春賀歲電影《金多寶》，將於2月13日(年廿六)正式上映。日前劇組釋出更多劇照，驚喜度認真爆燈，被翁導視為救命恩人的「K先生」古天樂除有份參演外，與翁子光於《風再起時》合作並奪得當年金像男配角的Michael許冠文亦飾演「隱藏大Boss」爺爺一角，做一家之主兼嫲嫲金燕玲的精神支柱。

翁導表示「Michael經已成為新一代觀眾心目中香港『戲骨』嘅代表，所以大家一聯想到爺爺，Michael絕對合乎大眾心中嘅形象。」「而搵K先生參演係因為我哋經常私下討論香港電影現況，古先生唔單只係演員，更加係全面嘅電影人，所以搵佢演出就二話不說答應。」

此外，阿Sa蔡卓妍同影后鮑起靜亦係翁導一直期待合作嘅演員，今次適逢喜劇，大家可以合作，更加開心。翁說「呢班演員本身就係觀眾「有感覺」嘅人，無論網絡世界或者日常，都令人覺得熟悉而溫暖，好開心。」

美亞電影

(05 Feb 2026)

[返回]


	集團簡介 \| 主席語錄美亞(北京) \| 美亞電視 \| 美亞影城 \| 天天在線 \| 美亞天天在線公告 \| 公司年報 \| 中期報告 \| 通知 (補發遺失的股票) \| 聲明 / 新聞稿


主頁 \| 集團簡介 \| 主席語錄 \| 電影作品 \| 財政報告 \| 公司年報 \| 中期報告 \| 娛樂消息 \| 職位空缺 \| 聯絡我們	© 美亞娛樂資訊集團有限公司 2026著作權所有